ILOILO CITY- Ginsuguran na sang Department of Public Works and Highways ang rectification sa Ungka flyover apisar nga ang nauna nga naistoryahan amo nga umpisahan ini pagkatapos sang Dinagyang Festival 2024.
Sa interview sang Bombo Radyo kay Engineer Sanny Boy Oropel, regional director sang Department of Public Works and Highways Region 6, iya ginpahayag nga pagkatapos nga gin- award sa contractor ang proyekto kag nahatagan sang notice to proceed, nag- umpisa sila gilayon sang layout sang enclosure sa mga piers.
Suno kay Oropel, ang ginaubra nila sa subong nga enclosure sang piers 9 kag 10 ang kabahin na sang proseso para sa shoring.
Pahayag sang regional director, ginaantisipar naman nila nga magaresulta sa mabug- at nga traffic flow sa area ang pagsugod sang rectification.
Ginpasiguro naman sini nga sa ginahimu nila subong nga enclosure, ginaplanuhan nila ang traffic flow sa lugar.
Ginalantaw nga himuo nga one lane ang magtimbang nga kilid sang Ungka flyover kag mahimo sa gihapon maagyan ang ibabaw mismo sang flyover.
Apang, kun kinahanglan naman ipasirado ang flyover, himuon nila.
Posible naman nga sa masunod naman nga semana sugudan ang jet grouting sa tion nga yara na ang mga equipment nga kinahanglan.
Nahibaluan nga may budget nga P95 million ang first phase sang rectification.
