ILOILO CITY- Tatlo ka mga Palestinians nga ginapatihan myembro sang militante nga Hamas ang napatay sang mga Israeli commandos sa isa ka ospital sa West Bank.
Suno sa Israeli police, nagpakuno- kuno ang mga Israeli commandos nga medical staff kag sang nakasulod na ang mga ini sa ospital, didto na kag ginpangluthang nila ang mga militante.
Ini nga hitabo ang nakuhaan sang video sa Closed Circuit Television sang ospital.
Ginkilala sang Israeli military ang isa ka Palestinian nga Hamas member who nagplano sang pagpang-atake nga inspired sang Oct. 7 massacre nga nagresulta sa Israel-Hamas war sa Gaza.
Ang ikaduha nga Palestinian nga napatay ang member sang Hamas-allied Islamic Jihad (IJ) kag ang ikatatlo ang katapo sang grupo sang Jenin-based militants.
Ginkontra naman sang mga staff sang Palestinian hospital ang alegasyon sang Israeli police kag nagsiling nga ang mga napatay ang indi armado kag wala man na- involved sa ano man nga kalakasan sang tion sang raid.
Suno pa sa hospital officials, nagsulod ang Israeli undercover squad sa medical complex, nagsaka sa third floor kag ginpatay ang tatlo ka ginaalegar nga mga militante
