ILOILO CITY- Nagdeploy na ang Public Safety Unit sang mga personnel kadungan sang pagsugod sang mga aktibidad may kaangtanan sa kapiestahan ni Nuestra Señora dela Candelaria.
Sa interview sang Bombo Radyo kay Mr. Jeck Conlu, pinuno sang Public Safety Unit, iya ginpahayag nga umpisa kahapon, may presenya na sang mga katapo sang ila unit sa distrito sang Jaro kadungan sang opening salvo.
Suno kay Conlu, sa Biernes, ginalauman nga 130 ka mga personnel nila ang iga-deploy agud mag-assist sa publiko.
Nagpanugyan naman ini sa publiko nga mangin mabinantayon sa palibot kag mahinalungon batok sa mga indibidwal nga may malain nga tinutuyo nga hingalitan ang pagginutok kag kasakuon sang mga tawo.
