Siling nila, age doesn’t matter.
Husto ina para sa isa ka 100-anyos nga diver nga natalana pa nga magpasakop sa World Aquatics Masters Championships sa Doha, Qatar kun sa diin siya ang pinakatigulang nga maga-compete!
Ini amo si Taghi Askari, isa ka Iranian nga nakadaog sang silver kag bronze medal sa labing-una nga Asian Games sa India sang 1951.
Fast forward subong nga 2024, wala nadula ang passion sini kag nagpasakop na sa exhibition dive sa 2024 World Championships sa Doha antes pa man ang ginakalangkagan nga World Aquatics Masters Championships.
Suno kay Askari, bisan nakit-an niya nga daw naglain na gid man ang iya performancesang 1951 ipaanggid subong nga tigulang na siya, wala gid sang naglain sa iya pagpalangga sa diving.
Daw kaangay suno sa iya nga bata siya liwat kag first time nga nakakita sang swimming pool sa ila balay sa Iran kun sa diin ara man nagatampisaw ang iban nga mga kabataan.
Ini nga eksperyensya ang nagdabok pa sang iya huyog sa pag-dive tubtub nga nagpasakop na ini sa mga kumpetisyon kag nakakuha sang mga medalya kag titulo sa Iran man ukon sa international na nga lebel.
Sa palaabuton nga World Aquatics Masters Championships sa Doha sa masunod nga semana, duha lamang ang advide ni Lolo Askari:
Una, dapat nga palanggaon mo gid ini nga sport, kag ikaduha, dapat nga ipabilin nga healthy ang lawas! #
(Photo: Reuters)
