Nagsaka ang Gilas Pilipinas sang isa ka spot sa world rankings sang FIBA.
Sa latest rankings nga gin-release sang basketball federation, nagapang-37 na ang Gilas kasunod sang una nga window sang FIBA continental qualifiers.
Sa amo nga hinampang sang Pebrero, gin-lutos sang Gilas ang Hong Kong nga may 30 nga abanse, kag ang Chinese Taipei nga gintambakan sang 53-puntos nga abanse.
Nagapanguna man ang Pilipinas sa Group B kasunod sang amo nga mga sambuwa kag nagahulat sa masunod nga window sang qualifiers nga matabo pa sa Nobyembre.
Sa kabug-usan nga Asya, nagapang-walo ang Pilipinas kun sa diin nagasunod ini sa Australia, New Zealand, Japan, Iran, Lebanon, China kag Jordan.
Ang Estados Unidos sang Amerika gihapon ang nagapanguna sa ranking sa bilog nga kalibutan; nagapangaduha ang Espanya, FIBA World Cup champion Germany bilang pangatlo; kag ginasundan sang Serbia kag Australia.
Ang nagakumpleto sang Top 10 amo ang Latvia, Canada, Argentina, France kag Lithuania.#
