ILOILO CITY- Ginalantaw sang Armed Forces of the Philippines nga may pilason ukon casualty sa katapo sang New People’s Army (NPA) matapos nagluntuntad ang engkwentro Barangay Igsoligue, Miagao, Iloilo.
Sa interview sang Bombo Radyo kay Lieutenant Colonel J-jay Javines, Chief sang Division Public Affairs Office sang 3rd Infantry Division sang Philippine Army, iya ginpahayag nga may mga traces sang dugo nga patimaan nga may napilasan nga rebelde sa engkwentro.
Suno kay Javines, ang naka-engkwentro sang Philippine Army sa Miagao amo man ang ang grupo nga ila na-engkwentro sang damlag lang sa Barangay Torocadan, San Joaquin, Iloilo.
Ginasundan naman sang ila tropa ang direksyon sang mga rebelde nga padulong sa north-east sang Panay.
