ILOILO CITY- Natuhog sang kabilya ang abaga sang siyam ka tuig nga bata nga lalaki sa Sitio Nagpana, Barangay Lipata, Barotac Viejo, Iloilo.
Sa interview sang Bombo Radyo kay Police Master Sergeant Jet Landayao, Officer in Charge sang Barotac Viejo Municipal Police Station, iya ginpahayag nga base sa imbestigasyon, nagsaka sa kahoy ang bata apang disgrasya nga nahulog kag nagtupa sa nagalabaw nga kabilya sa pader kag natuhog gid ang iya tuo nga abaga.
Suno kay Landayao, gin-utod nalang ang kabilya kag nagaungot pa ini sa bata sang gin-rescue agud madapatan sang atensyon medikal.
Gilayon man ini nga gindala sa ospital sa syudad kag padayon pa nga ginabulong.
