ILOILO CITY- Ginalantaw ni Iloilo City Mayor Jerry Treñas si former Iloilo City Councilor Jay Treñas nga amo ang posible mangin second nominee sang USWAG ILONGGO Partylist sa 2025 midterm polls.
Sa interview sang Bombo Radyo kay Mayor Treñas, iya ginpahayag nga katuyuan sini nga mapadayon ang pagserbisyo sang partylist bangud nakit-an niya nga dako ang mabulig sini sa mga Ilonggo ilabi na kun duha ka seats ang makuha sang partylist.
Suno kay Treñas, ini agud nga mapabilin sa gihapon ang ‘Ang- Treñas’ tandem.
Nahibaluan nga ang nagapungko subong nga USWAG ILONGGO partylist Representative amo si Jojo Ang matapos nga napaslawan si Raisa Treñas nga maelihir bilang second nominee bangud wala sini nakuha ang required nga numero sang boto sang nagligad nga eleksyon.
Samtang, magluwas sa second nominee, may idugang nga third nominee ang partylist kag ini ang magahalin sa Aklan.
