ILOILO CITY- Ginkumpirma ni Iloilo City Councilor Rudolph Ganzon nga may kasugtanan gid man sila ni Councilor Urminico Baronda tuhoy sa term-sharing sa Committee on Education, Science and Technology.
Sa interview sang Bombo Radyo kay Councilor Ganzon, iya ginpahayag nga sa pagkamatuod, tubtob sang nagligad nga Disyembre pa kuntani natapos ang pag-uyat ni Baronda sang amo nga kumitiba kag sang Enero kuntani uyatan na ni Baronda ang chairmanship sa amo nga committee.
Apang suno kay Ganzon, wala man ini nadayon bangud sang amo nga tion, wala man sila may nakita nga rason nga kinahanglan na gid nga kuhaon niya ang kumitiba gikan kay Baronda.
Nahibaluan nga si Ganzon amo ang nagapungko bilang vic-chair sang Committee on Education, Science and Technology.
Suno sa iya, kun madayon gid man, kinahanglan nga mag-agi anay ini sa husto nga proseso.
Mas maayo man suno sa iya nga makasugilanon niy si Baronda tuhoy diri.
