ILOILO CITY- Nagpaandam ang state weather bureau tuhoy sa risgo nga dala sang tuman ka init sang panahon sa ikaayong lawas sang tawo.
Suno kay Philippine Atmospheric, Geophysical and Astronomical Services Administration (PAGASA) Weather Services Bureau assistant chief Chris Perez, mas magataas pa ang temperatura sa Abril kag Mayo kag sa amo man nga binulan mabatyagan ang peak sang heat index .
Ginpahayag ni Perez nga sa sini nga range sang temperatura, dapat nga magtinir lang sa balay ilabi na sa tunga-tunga sang tungang-udto kag las-tres sa hapon.
Gindugang man sang weather bureau nga ginalauman sini ang delayed onset sang rainy season bangud sa epekto sang El Niño.
