ILOILO CITY- Nagpabutyag ang mga myembro sang United States congressional delegation sang suporta para sa Pilipinas sa tunga sa pinakaulihi nga akto sang harassment sang China sa West Philippine Sea.
Kasunod ini sang pagpakigkita ni President Ferdinand “Bongbong” Marcos Jr. sa mga American lawmakers.
Nagpasalamat naman si Marcos sa ginhatag nga suporta sang mga mamalidha.
Liwat man nga ginhatagan importansya ni United States Senator Kirsten Gillibrand ang mabakod nga pag-abyanay sa tunga sang Pilipinas kag United States of America.
Ginsiling ni Gillibrand kay Marcos nga nagatindog ang United States upod sa Pilipinas kag ibalik sa husto nga pamaagi ang pagpang-agrabyo sang China.
