ILOILO CITY- Kumporme ang mga ginikanan sa pag-suspend ni Mayor Jerry Treñas sang face to face classes sa Iloilo City bangud sa tuman ka init nga tiempo.
Base sa executive order sang alkalde, suspended ang face-to-face classes sa pre-school tubtob senior high school levels, sa public kag private schools umpisa subong nga adlaw tubtob buwas, Abril 2.
Sa interview sang Bombo Radyo kay Cheryl Joy Egasan, iloy sang isa ka Grade 2 pupil sa A. Montes 1 Elementary School, iya ginpahayag nga makaluluoy gid man ang sitwasyon sang mga kabataan sa eskwelahan bangud indi na ang mga ini maka-concentrate sa klase bangud sa tuman nga kainit.
Suno kay Egasan, mas maayo ang virtual ukon modular learning agud indi na magsulay ang mga bata sa initan pakadto sa eskwelahan.
May yara naman sila sang groupchat nga mga ginikanan kag adviser agud mahapos ang paghatag sang intruction sa mga estudyante sa ila tulun- an ukon assignments.
