ILOILO CITY- Ginabanta nga 30 ka tawo ang nagkalamatay sa natabo nga sunog sa isa ka nightclub sa Istanbul, Turkey.
Sa nasambit nga insidente, may walo ka iban pa nga pilason kun sa diin pito sa ila ang kritikal ang kondisyon.
Suno sa mga otoridad, natabo ang sunog sa Besiktas district sa central Istanbul.
Lunsay mga construction workers ang napatay bangud nga ginakay-o ang amo nga nightclub.
Suno kay Turkish Justice Minister Yilmaz Turic, ila na nga gin-aresto ang lima ka mga tawo kalakip na ang manager sang nightclub kag ang in-charge sa renovation.
