ILOILO CITY- Ginpauntat temporaryo sang United Arab Emirates ang humanitarian aid efforts paagi sa maritime corridor halin sa Cyprus padulong sa Gaza samtang nagahulat sang garantiya sang safety halin sa Israel kag ang imbestigasyon sa kamatayon sang aid workers sa Gaza.
Ini ang suno sa United Arab Emirates official nga wala nagpakilala kag wala man naghatag sang detalye tuhoy sa safety guarantees nga luyag sini sa Israel.
Nahibaluan nga pito ka tawo ang patay sa ginpatigayon nga Israeli strike.
Ang mga biktima ang katapo sang World Central Kitchen aid group sa Gaza.
Ang United Arab Emirates ang nag- finance sa aid shipments paagi sadagat pakadto sa Gaza kag ang World Central Kitchen amo ang nag-organisa.
Ginkondenar naman sang United Arab Emirates foreign ministry ang amo nga insidente kag nagpanawagan sang matulid nga imbestigasyon kun sa diin ginatum-ok sini ang Israel nga amo ang responsable sa kamatayon sang mga aid workers.
