ILOILO CITY- Gin- ako sang Majority Floor Leader sang Iloilo City Council nga wala pa naistoryahan ang term- sharing sa committee chairmanships.
Sa interview sang Bombo Radyo kay Councilor Frances Grace Parcon- Torres, iya ginpahayag nga wala man mahatagan gid sang tiempo ang term- sharing bangud nga halos masako man ang mga konsehal sa mga kumitiba nga ila ginapamunuan.
Suno kay Parcon, wala man niya naistorya ang mga concerned nga konsehal partikular na si Councilor Urminico Baronda.
Suno pa kay Parcon, kinahanglan nga mag-agi sa husto nga proseso kun sa diin kinahanglan sang resolution nga pirmahan sang mga konsehal angot sa pagbakante sang committee chairmanship.
Matandaan nga nagtuhaw ang isyu sa term- sharing matapos ginkaksan sang duha ka committee chairmanship si Councilor Urminico Baronda kag ang magasalo sang posisyon amo si Councilor Rudolph Ganzon para sa Committee on Education.
Samtang si Councilor Alan Zaldivar ang magabulos bilang chairman sang Committee on Health.
