ILOILO CITY- Nagbiya na padulong sa Estados Unidos sang Amerika si President Ferdinand R. Marcos Jr. para sa iya Official Visit sa Washington D.C.
Sa iya departure statement sa Villamor Air Base sa Pasay City, ginpahayag ni Marcos nga mangin maragtason ang pinakauna nga trilateral United States-Japan-Philippines Leaders’ Summit.
Suno kay Marcos, ang inaugural Trilateral Leaders’ Summit, nga natalana buwas, Abril 11, upod kanday President Joe Biden kay Prime Minister Fumio Kishida ang nagatuyo nga mapapag-on pa ang madugay na nga alyansa sa tunga sang tatlo ka pungsod.
Suno sa presidente, ini nga collaborative effort ang nagapakita sang pagpaambitanay sang tatlo ka pungsod sang values, interests kag mabakod nga commitment agud mas mapasanyog pa ang kalinong kag seguridad sa Indo-Pacific Region.
