ILOILO CITY- Nalubog subong sa baha ang Dubai sa United Arab Emirates kag kaiping nga mga pungsod bangud sa paglaslas sang bagyo.
Apektado ang Dubai airport nga ginakabig nga busiest international hub sa kalibutan kun sa diin gin- suspend ang operations sang 25 minutos kag ginkansela ang masobra 50 flights.
Ang flagship shopping centers nga Dubai Mall kag Mall of the Emirates ang pareho nga mataas ang lebel sang baha nga nagalab-ot sa hawak.
Kanselado man ang mga klase sa eskwelahan sa bilog nga UAE.
Mangin ang Asian Champions League football semi-final sa tunga sang Al Ain sang UAE kag Al Hilal sang Saudi,ang ginpaiway anay bangud sa panahon.
Samtang, bangud man sa mamunog nga ulan kag flash floods, 18 na ang napatay sa Oman kun sa diin siyam diri ang schoolchildren kag ila driver matapos maanod ang ila salakyan sa mabaskog nga daludo sang tubig baha sa Samad A’Shan.
