ILOILO CITY- Pulo ka mga military personnel sang Malaysia nga sakay sa duha ka naval helicopters ang patay matapos nagbungguanay ang duha ka choppers samtang nagalupad sa naval base sa Lumut, Perak.
Suno sa Royal Malaysian Navy, ang involved sa aksidente amo ang Maritime Operations Helicopter kag Fennec helicopter.
Ang Maritime Operations Helicopter ang nagtupa sa isa ka stadium samtang ang Fennec helicopter ang nagtupa sa isa ka pool.
Nagapatigayon sang rehearsals ang mga helicopter para sa 90th Navy Day parade kag ikatatlo na nga hugnat sang rehearsals sang nagluntad ang insidente.
Nagtukod naman sang investigation board ang otoridad agud matumod gid ang kabangdanan sang amo nga trahedya.
