Namurag-muragan ang mga residente sang Taiwan bangud sa pagtay-og na naman sang magkasunod nga linog kaina sang kaagahon.
Ang una nga may magnitude 6.1 ang nag-igu sa eastern county sang Hualien. Ang ikaduha naman nga magnitude 5.8 ang nag-igu man sa kaangay nga lokasyon kag nag-uyog man sang mga building pati sa kapital sang Taiwan nga Taipei.
Nahibaluan nga masobra na sa 1,000 ang aftershocks halin sang natabo ang 7.2 magnitude nga linog sa Hualien sa temprano nga bahin subong nga bulan kun sa diin 17 ka mga tawo ang napatay.
Wala pa subong sang na-report nga damage kaangot sa ulihi natabo nga linog.
