Sa baylo nga mga bisita ang atenderon sa graduation ceremonies sa nagkalain-lain nga mga unibersidad sa Estados Unidos sang Amerika, masako ang eskwelahan sa pagpreparar sang security measures bangud sa lapnagon nga mga protesta sang pro-Palestinians.
Lakip sa magahiwat sang commencement ceremonies subong nga adlaw amo ang Florida State University, ang University of Michigan, University of Connecticut kag Indiana University samtang buwas naman amo ang Northeastern University kag Ohio State University.
Halos 75% sang student protesters ang nagmartsa pakadto sa Michigan Stadium kun sa diin nagsugod sila protesta sa pag-umpisa man sang programa kag nagkadto pa sa main isle samtang nagasininggit.
Ginhalin sila sang public safety personnel sa likod sang stadium kun sa diin hilway sila nga naka-protesta samtang nagapadayon man ang graduation.
Sa University of Vermont, indi na madayon ang commencement address ni U.S. Ambassador to the United Nations Linda Thomas-Greenfield bangud sang matunog man nga panawagan sang mga protesters nga indi na ini pagpahambalon.
Extra man ang preparasyon sa University of Connecticut kaangay sang physical ticket sa mga tumalambong, kinahanglan maglabay sa metal detectors, kag indi pwede makadala sang signs, banners kag balloons.
Nahibaluan nga masobra na 2,300 ang naaresto sang mga pulis halin sang nagsugod ang protesta sa mga college campuses sa US halin sang Abril 18.#
(Photo: CNN)
