ILOILO – Ginpanginwala sang pamunuan sang Northern Iloilo State University (NISU) nga may natabo nga data breach sa mga impormasyon sang ila mga estudyante kag manunuldo.
Ini ang kasunod man sang pag-post sang cybersecurity group nga Deep Web Konek nga may yara sang cyber threat sa website sang unibersidad sa diin ginapahayag nga nabutang sa kompromiso ang mga confidential nga impormasyon, kaangay sang employment records kag contact information kag mangin ang mga student records nga ginalakipan sang pangalan, addresses, contact details, kag academic records.
Sa interview sang Bombo Radyo Dr. Bobby Gerardo, President sang nasambit nga unibersidad, iya ginpahayag nga wala sang natabo nga pag-hack sa ila website.
Suno kay Gerardo, may scanning lang nga natabo sa ila website sa diin ini ang
kahimuan sang ginapatihan sini nga dark web organization.
Katuyuan sini suno sa natungdan amo ang paghibalo nga mahuyang ang system sang website sang unibersidad nga possible sudlon sang mga hackers.
