ILOILO CITY- Nangin bayolente ang ginpatigayon nga protesta sang mga pro-Palestinian protesters sa Amsterdam sa The Netherlands.
Ini matapos nga ginsulod sang riot police ang encampment sa Amsterdam University gamit ang bulldozer.
Nakit-an an man nga naggamit ang police officers sang batons batok sa mga protesters nga nagtuyo nga balabagan ang mga dalan sa palibot ang premises sang unibersidad.
Nahibaluan nga nagapatigayon sang protesta ang mga tawo bilang pagpakita sang ila pagpamatok sa giyera sa Gaza kag ginpakamalaot ang nagapadayon nga military operations sang Israel.
Gin-detain naman sang kapulisan ang 140 ka mga tawo sa amo nga insidente.
Bangud sa natabo, isa pa ka hublag- protesta ang patigayunon sang mga estudyante, manunudlo kag mga university employees.
Nahibaluan nga pila naman ka mga pro-Palestinian protests ang ginpatigayon sa Europa kag Estados Unidos sang America.
