Ginkumpirma sang foreign ministry sang Portugal nga ginhilway sang Iran ang pito sa 25 ka mga crew sang Portuguese-flagged ship nga ila gin-hijack sa Strait of Hormuz ukon ang natung-an sang Iran kag United Arab Emirates sang nagligad nga Abril.
Suno sa ministry, lakip sa ginbuy-an amo ang isa ka Pinoy, isa ka Estonian, kag lima ka Indians.
Gin-abi-abi sang Portugal ang development apang nag-demand pa sang dugang nga ubuson na lang hilway ang nabilin nga 17 ka mga crew.
Abril 13 sang ginbanggaan sang Iran Revolutionary Guard Corps (IRGC) ang amo nga commercial ship nga ginpangalanan nga MSC Aries.
Pagkasunod nga adlaw, insigida nga naglunsar ang amo man nga pungsod sang retaliatory attack sa Israel bilang balos man sa April 1 attack sang Israeli military sa Iranian embassy sa Damascus nga kapital sang Syria kun sa diin nalakip sa mga biktima ang pila ka commanders sang Islamic Revolutionary Guard Corps lakip ang duha ka mga heneral.
Ini nga Portuguese-flagged nga barko ang naangot sa London-based nga Zodiac Maritime nga parte naman sang Zodiac Group sang Israeli billionaire nga si Eyal Ofer. Una na nga ginpahayag sang White House nga sa 25 ka mga crew, may yara sang Indian, Filipino, Pakistani, Russian kag Estonian nationals.#
