GENERAL SANTOS CITY – Ginpangunahan ni President Ferdinand R. Marcos Jr. ang paghatag sang ayuda sa mga mangunguma, manugpangida kag mga pamilya nga apektado sang El Niño phenomenon sa Region 12 ukon South Cotabato, Cotabato, Sultan Kudarat and Sarangani (SOCCSKSARGEN).
Una nga ginpadulungan sang presidente ang Sultan Kudarat kag sunod naman ang General Santos City.
Diri kag nagpanagtag ini sang cash assistance balor P10,000 sa kada 30 ka mga beneficiaries sa rehiyon.
Magluwas diri, naghatag man ini sang P10 million sa General Santos City Government, P50 million sa South Cotabato Provincial Government kag P50 million sa Sarangani Provincial Government.
Magluwas kay Marcos, nagpanagtag man ang bulig ang pila ka mga ahensya sang gobyerno kaangay sang cash assistance halin sa Department of Social Welfare and Development (DSWD), Tulong Panghanapbuhay sa Ating Disadvantaged/Displaced Workers (TUPAD) halin sa Department of Labor and Employment (DOLE), livelihood toolkits kag allowance halin sa Technical Education and Skills Development Authority (TESDA), kag lima ka kilo sang bugas para sa benefeciaries ni House Speaker Ferdinand Martin Romualdez.
