ILOILO CITY – Ginkalingawan sang mga netizens ang pagbaisay sang iloy kag sang iya anak nga lalaki samtang nagasabat ang module.
Sa interview sang Bombo Radyo kay Shirley Christine Balbontin, iya ginpahayag nga may duha siya ka mga anak sa diin ang subang ang isa ka babaye nga naga-edad sang walo ka tuig, samtang ang iya naman agot ang naga-edad sang anom ka tuig.
Suno kay Balbontin, bilang isa ka fulltime mom, ginpahayag sini nga indi mahapos ang iya papel ilabi na sa pagpa-intindi sa mga kabataan sini ang insakto kag indi.
Halimbawa na lang suno sa natungdan ang ginkuha sini nga video sa diin nagabaisay sila sang iya agot nga anak nga si Miggy kaangot sa biodegradable kag non-biodegradable.
Sang amo nga tion, nagapanindugan ang anak sini nga non-biodegradable ang kahoy, apang ginapaintindi sini nga nagakadunot ini.
Ginpahayag ni Balbontin, nga isa lang ini sa mga pagpanghangkat nga iya ginaatubang bilang iloy ilabi na nga lamharon pa lang ang iya mga kabataan.
Nahibaluan nga avid fan sang Bombo ang mag-iloy sa diin sang bata pa lang si Miggy, ginapa-recite na ini sang extro.
