Nagpanawagan ang United Nations sang full investigation matapos nga napatay ang ila nga security services member kasunod sang pagpang-atake sang Israeli Army sa ila nga salakyan sa Rafah.
Suno kay UN chief Antonio Guterres, ini ang labing-una nga international UN employee nga napatay sa nasambit nga Palestinian territory halin sang nagsugod ang Israel-Hamas war.
Magluwas sa isa nga napatay, may isa man ka staff member ang United Nations Department of Safety and Security nga nasamaran sang gin-igu sang militar ang UN vehicle nga pakadto kuntani sa European Hospital sa Rafah.
Indi pa subong maathag kun ano ang nationality sang napatay nga personnel.
Antes sini, may 190 ka Palestinian UN employees nga napatay sa gyera kun sa diin kalabanan ang myembro sang UN Palestinian Refugee Agency (UNRWA).
