ILOILO CITY- Nakigkita si United States Secretary of State Antony Blinken kay Ukrainian President Volodymyr Zelensky sa Kyiv.
Sa amo nga pagkitaay, ginsiling ni Zelensky kay Blinken nga kinahanglan sang Ukraine ang dugang nga air defenses sa pinakamadali nga panahon.
Ang pagbisita ni Blinken ang sa tunga sang pagpadayon sang Russia sa pagsakop sa northeastern Ukraine matapos nakahimo sang major advances didto nga nagamarka naman sang pinakadako nga kadalag-an sang Russia humalin sang na-capture liwat sang Kyiv ang Kharkiv sang 2022.
Masobra sa 7,000 ka mga tawo ang na- evacuate halin sa Kharkiv region.
Sa speech ni Blinken nga iya gin-deliver sa Kyiv Polytechnic Institute, iya ginpasiguro ang padayon nga pagdampig sang Estados Unidos sa Ukraine.
Samtang, natalana naman nga i- welcome ni Chinese leader Xi Jinping si Russian President Vladimir Putin sa ulihi nga mga inadlaw subong nga semana- ang pinakaulihi nga senyales sang ila nagadako nga alignment samtang padayon ang konplikto sa Ukraine.
