Nabutang sa ital-ital ang kabuhi sang prime minister sang Slovakia nga si Robert Fico matapos ini ginluthang sa pampubliko nga lugar kasunod sang political meeting sa Handlova.
Sa inisyal nga impormasyon, arestado na ang 71-anyos nga gunman apang indi pa klaro kun ano ang motibo sini sa krimen. Ginpahayag nga isa ka writer kag poet halin sa Levice ang suspek.
Gindalagan naman ang 59-anyos nga biktima sa ospital sa regional capital nga Banska Bystrica.
Oktubre lang sang nagligad nga tuig sang nagbalik si Fico, isa populist politician, bilang prime minister sa pungsod sa ikaapat na nga tion.
Ini nga insidente ang nagkibot gid sa Slovakia nga isa ka gamay nga central European nation nga may malaka lamang nga political violence.
Nagasunod-sunod subong sa pag-abot ang mga mensahe sang partners sini sa European Union kag North Atlantic Treaty Organization (NATO) nga nagakondena sa pag-atake.
