ILOILO CITY- Nagpangayo sang pasaylo kag paghangop ang Metro Pacific Iloilo Water kasunod sang pagpabutyag ni Iloilo City Mayor Jerry Treñas sang pagkadismaya sa serbisyo sang amo nga water distribution utility.
Sa interview sang Bombo Radyo kay Angelo David Berba, Chief Operating Officer sang Metro Pacific Iloilo Water, iya ginpahayag nga ginarespeto nila ang hibubun-ot ni Mayor Treñas.
Suno kay Berba, magapalapit sila sa alkalde agud personal nga mapaathag sa alkalde ang natabo.
Gin-ako man niya nga sila mismo sa Metro Pacific Iloilo Water ang nadismaya sa kakulang sang tubig nga ila gina-suplay sa mga pumuluyo
Ginpasiguro naman ni Berba nga may maathag sila nga plano para mahatagan sang solusyon ang problema sang kakulang sang tubig sa syudad.
Matandaan nga ginsiling sang alkalde nga kun indi masarangan sang Metro Pacific Iloilo Water ang ila obligasyon, ihatag na lang ini sa South Balibago Water Works.
