ILOILO CITY- Ginkilala na ni Pope Francis ang milagro nga naangot kay Blessed Carlo Acutis, isa ka lalaki nga pamatan-on nga kilala sa debosyon kag modern nga evangelization efforts.
Ini nga pagkilala ni Pope Francis ang isa ka importante nga tikang padulong sa pagkasanto.
Ini nga desisyon ang kabahin sang pila ka decrees nga gin-aprubahan sang santo papa.
Ang gin-aprubahan nga milagro ang naga- involve sa isa ka Costa Rican nga babaye nga si Liliana, nga nagpangamuyo kay Blessed Carlo Acutis ,matapos ang iya anak nga babaye nga si Valeria ang nag-angkon sang malala nga head injury gikan sa aksidente sa bisikleta.
Amat-amat nga nakarecover ang bata matapos ang pilgrimage ni Liliana sa lulubngan ni Carlo sa Assisi.
Ini nga recovery ang makabig nga milagroso nga nagresulta agud kilalahon ang intercession ni Blessed Carlo.
Si Carlo ang ginaselebrar bangud sa iya madalom nga pagtuo kag paggamit sang teknolohiya agud magpalapnag sang Catholic teachings, rason nga ginhatagan ini sang titulo nga “patron saint of the Internet.”
Gin-anunsyo naman ni Pope Francis ang paghiwat sang Consistory of Cardinals para sa deliberasyon sa kanonisasyon ni Blessed Carlo Acutis,
Ginbun-ag si Acutid sang Mayo 3, 1991, sa London kag napatay sang October 12, 2006, sa Monza, Italy, bangud sa leukemia.
Siya ang gin- beatify ni Pope Francis sang 2020.
