Gin-anunsyo sang National Basketball Association (NBA) nga nagtaliwan na sa edad nga 71-anyos ang Hall of Fame center kag two-time NBA champion nga si Bill Walton matapos ang pagpakigbato sini sa cancer.
Ginbalikan ni NBA Commissioner Adam Silver ang maduagon nga mga tinuig ni Wanton sa liga sa sulod sang 50 ka tuig.
Ginadumdom si Wanton nga nakadaog sang tatlo ka straight national player of the year awards halin sang 1972-74 antes nangin first overall pick sa 1974 NBA Draft sa idalom sang Portland Trail Blazers.
Una sini nga nakuha ang kampyonato kaupod ang Trail Blazers sang 1978 kun sa diin siya pa ang Finals MVP kag league MVP sa amo nga season. Isa ka dekada ang nagligad, nakuha sini ang ikaduha nga NBA championship kaupod sa Boston Celtics nga amo naman ang iya final season sa liga.
Kasunod sang iya Hall of Fame career, nagsulod ini sa broadcasting kun sa diin daw kaangay nga yara man gihapon ini sa court.
Ginpasa man sini ang talento sa paghampang sa iya mga anak lakip si Luke Walton nga nakasulod sa back-to-back NBA Finals kaupod ang Los Angeles Lakers sang 2009 kag 2010.#
