Patay ang isa ka piloto sang nagbungguanay ang duha ka eroplano kadungan sang air show performance sa southern Portugal.
Suno sa statement sang Portuguese air force, anum ka aircraft ang yara sa amo nga Beja Air Show apang duha ang na-involve sa aksidente.
“The air force regrets to announce that at 4:05 pm (1505 GMT), at the Beja Air Show, two planes were the victim of an accident during an aerial demonstration,” kabahin sang malip-ot nga statement.
Ang duha ka aircraft ang lunsay Yakovlev Yak-52 ukon Soviet-designed aerobatic training model.
Suno sa flight safety database nga Aviation Safety Network, nadulaan sang kontrol ang piloto sang nagapasaka nga aircraft rason sang post-impact engine fire. Ginahulat pa ang dugang nga impormasyon nga ipaguwa sang otoridad.
Pareho ini nga parte sang six-aircraft Spanish-Portuguese Yakstars team. Ginpresentar ini sang organizers nga “biggest civil aerobatics group” sa southern Europe.
