Patay ang isa ka lapsag nga nagakatulog sa iya kuna sang gin-atake ini sang ila kaugalingon nga ido.
Natabo ini nga insidente sang Mayo 24 sa Knoxville, Tennessee, USA kun sa diin biktima ang ginkilala nga si Baby Ezra, anum ka semana pa lamang ang edad.
“You just think it would never happen to you, but it can happen to anyone—with any dog breed, no matter how long you’ve had the dog,” pahayag sang iloy nga si Chloe.
Si Ezra amo ang una nga anak ni Chloe kag iya bana nga si Mark Mansoor gani amo na lang ang ila paghilibion kasunod sang makahalanusbo nga hitabo.
“Ezra meant everything. There’s really no words other than just absolutely everything,” dugang sini.
Panaysayon pa sang iloy, duha ang ila hinuptanan nga ido sa ila balay. Ang husky nga walo ka tuig na sa ila kag wala gid sang senyales sang pagka-agresibo amo ang nag-atake sa lapsag.
Gindala pa ang baby sa ospital para sa medical assistance apang wala gid nasarangan ang lawas sini kag gindeklarar nga ginbawian sang kabuhi sang Mayo 30.
“All the sleepless nights and the dirty diapers—looking back, I would take a million sleepless nights and dirty diapers and all the fussiness, you would take it all back in a second and never take any moment or second for granted,” dugang ni Chloe.
Nag-desisyon ang mag-asawa nga i-donate ang organs ni Ezra kasunod sang iya kamatayon.
“Pray for all the family really, everyone loved him so much. I know everyone’s grieving right now, we’re grieving right now, and it’s going to be a lifelong process trying to work through this,” suno pa sa pahayag sang iloy.
Ginaimbestigaran man sang Knox County Sheriff’s Office ang kaso base sa standard protocol. Ang ido naman ang yara na sa local animal shelter para sa 10-day bite quarantine.
