ILOILO CITY- Ginpadayon ang otoridad ang pag-raid sa Philippine Offshore Gaming Operator (POGO) hub sa Porac, Pampanga matapos nakakuha sang bag-o nga search warrant.
Suno kay Usec. Gilbert Cruz, executive director sang Presidential Anti-Organized Crime Commission, ang sentro sang operasyon subong nga adlaw amo ang mangita kun may yara pa sang mga kidnapping victims nga kinahanglan nga ma-rescue sa sulod sang compound.
Nahibaluan nga una na nga may nakita ang otoridad nga senyales sang torture matapos nila ma- rescue ang pila ka injured nga mga indibidwal kalakip diri ang isa ka Chinese nga nakaposas sa kama kag madamo sang pilas.
Gin-report man sang komisyon nga may babaye nga gin-torture kag ginbaligya paagi sa online bidding para sa sexual services sa sulod mismo sang compound.
