Nag-develop ang Department of Science and Technology-Industrial Technology Development Institute (DOST-ITDI) sang flavored salt kag seasoning bilang kabahin sang mga tikang agud mabuhi ang industriya sang asin sa pungsod.
Suno kay Dr. Anabelle Briones, director sang institute, ang katuyuan sang ila pag-develop sang mga makina amo nga mapadasig ang produksyon sang asin kag pataason pa ang value sini paagi sa nagkalain-lain nga flavor.
Lakip sa gingamit sang ahensya amo ang umami tastants nga locally available kaangay sang green seaweed ukon lato, shitake mushrooms, kag ang ulo sang hipon.
Ini nga ingredients suno kay Briones ang manggaranon sa glutamic acid nga amo ang nagapanami sa sabor. Ginplastar man sini nga ang flavored salt ang may mas manubo nga sodium chloride content kag manggaranon pa sa minerals.
Ini nga innovation ang nakadaog na sa 2023 Seoul invention fair kag sa 49th International Exhibition sa Geneva, Switzerland.
