ILOILO CITY- Ginpahanumdom ni ACT-CIS kag House Deputy Majority Leader Erwin Tulfo sa mga local government units (LGUs) nga bulanan nga ihatag ang P1,000 allowance para sa mga solo parents.
Suno kay Rep. Tulfo,may mga reklamo nga nakalab-ot sa iya opisina nga may iban nga solo parents ang wala ginahatagan sang nasambit nga allowance.
Sa idalom sang Expanded Solo Parent Welfare Act of 2922 o Republic Act 11861, nagakadapat nga bulanan nga ginahatag ang P1,000 subsidiya sa mga low income solo parents.
Suno pa kay Tulfo, nga anay tiglikom sang DSWD, nahangpan niya kun nga my iban nga banwa ang indi makahatag sang subsidy bangud nga kulang ang budget sang mga 4th ukon 6th class municipalities.
Tun-an man niya kun paano ukon diin magakuha sang pondo para sa solo parent ang mga pigado nga local government units.
