ILOILO CITY- Gindeklarar nga kampeon ang float sang Iloilo sa ginpatigayon nga 126th Philippine Independence Day Anniversary Parada ng Kalayaan sa Manila.
Ginapakita sa float ang “The Cry of Santa Barbara” kag ang establishment sang Federal State of the Visayas.
Ang float ang human sa native materials kag naga-feature man sang simbahan kag kumbento sang Santa Barbara nga amo ang National Historical Landmark nga gindeklara sang National Historical Institute.
Nahibaluan nga magluwas sa Iloilo,nagpartisipar mansa float parade ang The Cry of Candon (Ilocos Sur); Tres de Abril Revolt (Cebu); Battle of Alapan and the Proclamation of Philippine Independence (Cavite); Establishment of the Negros Republic (Negros); The First Flag Hoisting in Mindanao (Surigao del Norte); Siege of Fort Pilar (Zamboanga); Lowering of Spanish Flag in Jolo (Sulu); Siege of Baler (Aurora); kag First Session of the Malolos Congress and the Founding of the First Philippine Republic (Bulacan).
Nahibaluan nga ang mapilian nga winner ang makabaton sang cash prize nga P1 million.
