ILOILO CITY- Prayoridad sang Kamara nga maaprubahan ang budget bill para sa 2025.
Suno kay Speaker Ferdinand Martin Romualdez, ginalauman nga mapasa sang Department of Budget and Management sa Kongreso ang 2025 National Expenditure Program pagkatapos sang State of the Nation Address (SONA).
Nagalab-ot sa P6.2 trillion ang ginaduso nga budget sang administrasyon ni Marcos sa 2025.
Ang budget subong nga tuig ang yara sa P5.768 trillion.
Magabukas ang 19th Congress sa Hulyo 22 nga amo man ang adlaw sang SONA ni Presidente Ferdinand “Bongbong” Marcos Jr.
Suno kay Romualdez, padayon nga pagapondohan sang Kamara ang mga programa nga makabulig sa mga vulnerable sectors.
