Nagpirma sanday Russian President Vladimir Putin kag North Korean leader Kim Jong Un sang kasugtanan nga depensahan ukon buligan nila ang isa kag isa kun may pagpang-atake nga matabo sa ila.
Wala pa ginpaguwa ang pahat-pahat nga detalye sa amo nga agreement, apang amo ini ang ginalantaw nga pinakamabaskog nga koneksyon sang Moscow kag Pyongyang halin sang nagtapos ang Cold War.
Pareho nga ginlaragway sang duha ka mga lider nga isa ini ka sahi sang pagsaka sang lebel sang ila relasyon nga nagasakop sa security, trade, investment, cultural kag humanitarian ties.
Pareho nga ginabalabagan sang West ang tinutuyo sang duha ka mga pungsod kag ini ang una nga bes nga nagbisita si Putin sa amo nga nuclear-armed state sa sulod sang masobra duha ka dekada.
Ini nga comprehensive strategic partnership sa tunga sang duha ka nasyon amo ang ginalantaw nga magapasangkad sang pagsaylo sang military technology sa Pyongyang kabaylo sang suplay sang mga hinganiban nga kinahanglan naman sang Moscow sa gyera sini sa Ukraine.
Sa meeting nanday Putin kag Kim, nagpasalig man ang North Korean leader sang “full support” sa Russia sa iya ginpahayag special military operation sini sa Kyiv.
