Ginpasalig sang Department of Agriculture nga maga-implementar ini sang monitoring system agud malikawan nga may mag-hoard sang P29/kilo nga bugas nga ibaligya sa Kadiwa stores.
Lakip sa ginakonsiderar nga tikang amo ang paggamit sang booklets nga kaangay sa ginagamit sa drugstores.
Ini agud masiguro nga ang limited supply ang ma-maximize kag wala sang pamilya nga magabakal sang masobra sa 10-kilo per month limit sa idalom sang guidelines.
“Una, kailangan may ID sila, makikipagtulungan tayo sa mga lokal na pamahalaan, this is through our Kadiwa system. Mayroon naman nang existing card eh, halimbawa senior citizen, 4Ps, may card yan. ‘Yun pagbabasehan natin na naka receive sila,” suno kay Asec Arnel de Mesa, spokesperson sang DA.
Una na nga gin-anunsyo sang National Food Authority (NFA) Council nga gin-aprubahan na nila ang pagbaligya sang daan apang maayo pa man nga bugas para nga mabuligan ang mga tawo nga mapahagan-hagan ang palas-anon sa tunga sang nagapanglakaak nga presyo sini.
Ang Bigas29 ang yara subong sa dry-run version kag natalana naman sa Hulyo ang full implementation.
