ILOILO CITY – Nagapati si Iloilo City Mayor Jerry Treñas nga isa ka maayo nga desisyon ang ginhimo ni Vice President Sara Duterte nga pag-resign bilang Secretary sang Department of Education (DEPED).
Magluwas bilang tiglikom, nag-resign man si Duterte bilang Vice Chairperson sang National Task Force to End Local Communist Armed Conflict (NTF-ELCAC).
Sa interview sang Bombo Radyo kay Treñas, iya ginpahayag nga nagakadapat lang nga maghalin si Duterte sa gabinete bangud wala na sang trust and confidence sa iya si President Ferdinand Marcos Jr.
Halimbawa na lang diri ang pagbuyayaw, paghambal nga bangag kag drug addict sang iya amay nga si former Presidente Rodrigo Duterte kay Marcos.
Mangin ang mga utod sang bise presidente nga sanday Davao City 1st district Representative Paolo Duterte kag Davao City Mayor Sebastian Duterte ang nagapakamalaot man sa presidente.
Mas maayo suno sa alkalde nga magpili ang presidente sang mas masaligan nga opisyal agud mag-upod sa iya gabinete.
