Ginalantaw sang Philippine Atmospheric, Geophysical and Astronomical Services Administration (PAGASA) nga posible nga sa katapusan nga quarter pa subong nga tuig magasugod ang La Niña phenomenon.
Suno sa state weather bureau, may yara sang 50% nga tyansa nga maga-develop ini nga phenomenon sa Septyembre tubtub sa Nobyembre bangud nga wala pa sang kasiguruhan sa ocean conditions.
Ginpahayag man sang Climate Monitoring and Prediction Section sa isa ka virtual forum nga factor man diri ang El Niño phenomenon nga bag-o lang natapos.
“Kagagaling natin sa strong El Niño… ENSO-neutral conditions, so ibig sabihin po very well-mixed ang ating karagatan, so napakaliit ng temperature gradient or differences ng ating buong karagatan. So that is why nagde-decide pa ang ating ocean depende sa mga ibang factors kung ito ay towards cooling or towards ENSO-neutral or magtutuloy lang na hindi siya lalamig,” pahayag sang section chief nga si Ana Solis.
Matandaan nga sa una nga forecast sang PAGASA, posible nga mag-umpisa ang La Niña sa tunga-tunga sang Agusto kag Oktubre.
Gindugang man sang state climatologists nga posible ma-eksperyensyahan ang mahina nga La Niña halin sa fourth quarter subong nga tuig tubtub sa una nga quarter sang 2025.
“We might see a weak, short-lived La Niña. Kung hindi man po matuloy ay La Niña-like conditions,” suno kay Solis.
Matandaan nga subong lang nga Hunyo sang gindeklarar sang PAGASA nga nagtakop na ang El Niño phenomenon nga nagbilin sang P9.49-billion nga balor sang kahalitan sa sector sang agrikultura.
PHOTO/WALTER BOLLOZOS
