ILOILO CITY- Ano bala ang imo ginahimo agud nga mapakalma ang imo paminsaron gikan sa stress?
Nagapamati ka bala sang music ukon nagalantaw sa telebisyon?
Apang ang pinakamaayo nga pamaagi agud makalma ang paminsaron suno sa pagtuon ni Adam Hanley, doctoral candidate sang College of Education’s Counseling and School Psychology Program sa Florida University, amo ang pagpanghugas sang mga pinggan.
Ini bangud sa resulta sang pagtuon ni Hanley, makapakuha sang stress kag maka pa sangkad sang well-being sang isa ka tawo ang pagpanghugas.
Natukiban ni Hanley nga pinaagi sa pagpanghugas, nagabulig pakalma sang paminsaron ang kabugnaw sang tubig kag ang hamot sang habon.
Magluwas sa pagpakalma sang paminsaron, ang pagpanghugas sang pinggan ang nagapanubo man sang anxiety kag nagalikaw sa pag-angkon sang depresyon.
Gani kun ginasugo ka sang imo iloy nga maghugas sang pinggan… Hep hep!
Indi na magreklamo kag mag pudag-pudag.
Maghugas ka na lang sang pinggan kun indi mo gusto nga masing-alan.
