ILOILO CITY – Ginpakigbahin sang iloy ang istorya sa likod sang pagpangalan sini sa iya anak nga John 3:16 Aguasa Puerto.
Si John 3:16 sang Guzman-Jesena, Mandurriao, Iloilo City ang nagdala sang kalingawan matapos nagwa ang iya pangalan bilang isa sa mga nakapasar sa pagkuha sang kurso nga Bachelor of Science in Packaging Engineering sa Central Philippine University (CPU).
Ang John 3:16 amo ang ika-16 nga bersikulo sa third chapter sa Gospel of John, isa sa apat ka mga gospels sang New Testament sa diin nagasiling ini nga: “For God so loved the world that he gave his one and only Son, that whoever believes in him shall not perish but have eternal life.”
Sa interview sang Bombo Radyo kay Noemi Aguasa, iloy ni John 3:16, iya ginpahayag nga ang pangalan sang iya anak ang ginsuhestyon sang iya nagtaliwan nga employer nga isa ka abogado.
Luyag kuntani sang anay partner sini nga himuon nga ‘the third’, apang agud wala sang may masunggod nga mga lolo ni John 3:16, ginlain na lang ang pangalan sini.
Samtang suno naman kay John 3:16, nakibot na lang ini sang ginhimuan na sang mga ‘memes’ ang iya pangalan matapos gin-post sang CPU sa ila page.
Diri kag napamatud-an ni John 3:16 nga mabaskog ang iya ‘backer’ nga amo ang Diyos bangud nakapasar ini sa pasinawan.
Ginpahayag man sini nga mangin siya ang nalingaw man sa pagpangalan sa iya sang iya ginikanan bilang bersikulo.
