Ginkumpirma ni President Ferdinand R. Marcos Jr. nga natapos na ang iya speech para sa State of the Nation Address (SONA) sa Lunes, Hulyo 22.
Suno kay Marcos, naga-fine tuning na lang sila para sa iya SONA.
Ginpahayag sang presidente nga tinguhaan nila nga mahitso na ang tanan tubtob sa Dominggo agud wala na sang problemahon sa Lunes.
“Tuloy-tuloy pero yung kabuuan ng speech ko, tapos na. Fine-tuning na lang ang ginagawa namin. Aayusin namin yan lahat bukas at saka hanggang Linggo para maging handa sa SONA sa Lunes.”
Samtang, ginarespeto naman ni Marcos ang desisyon ni Vice President Sara Duterte nga indi magtambong sa SONA.
“Okay. That’s her position.”
