Nagpadayon si anay US President Donald Trump sa paglaslas kay President Joe Biden apisar nga nag-atras na ang Democrat leader sa reelection campaign sini subong nga 2024.
Kasunod sang kumpirmasyon ni Biden nga maga-withdraw na ini sa presidential race, nagpaguwa man sang statement si Trump sa Truth Social kun sa diin ginatawag sini si Biden nga “worst president” sa maragtas sang nasyon.
Pahayag pa sang 78-anyos nga Republican: “Crooked Joe Biden was not fit to run for President, and is certainly not fit to serve – And never was!”
“All those around him, including his Doctor and the Media, knew that he wasn’t capable of being President, and he wasn’t.”
Gindugang ni Trump ang iya regular campaign talking points antes ginpahayag nga, “We will suffer greatly because of his presidency, but we will remedy the damage he has done very quickly. MAKE AMERICA GREAT AGAIN!”
Magluwas kay Trump, isa sa nangin agaw-atensyon amo ang statement ni House Speaker Mike Johnson sa X nga nagpanawagan kay Biden nga mag-resign.
“At this unprecedented juncture in American history, we must be clear about what just happened. The Democrat Party forced the Democrat nominee off the ballot, just over 100 days before the election. If Joe Biden is not fit to run for President, he is not fit to serve as President. He must resign the office immediately. November 5 cannot arrive soon enough.”
Mangin si Sen. Josh Hawley sang Missouri ang nag-react man sa balita kag nagpanawagan man kay Biden nga magpanaog na lang sa pwesto. “Then RESIGN your office. If you can’t run a mere political campaign, you can’t be President,” kabahin sang statement sini.
WITHDRAWAL NI BIDEN
Sandig sa anunsyo sang presidente kadungan sang iya pag-withdraw sang iya kandidatura, apisar intensyon sini nga magpadalagan kuntani liwat, nagapati siya nga para sa pinakamaayo nga interes sang iya partido kag pungsod ang iya nga desisyon nga magtutok na lamang sa nabilin sini nga termino bilang president sang pungsod.
Gin-endorso man sini si Vice President Kamala Harris nga amo ang mangin kandidato sang Democrats.
Antes ang iya desisyon, matunog na gid man ang panawagan halin sa Democrat leaders nga mag-atras na ini sa presidential campaign para sa November 2024 elections.
Kasunod man ini sa nasaksihan sang kalibutan nga pigado nga performance sini sa presidential debate batok kay anay US President Donald Trump sang nagligad nga bulan. Sa amo nga debate nga naglawig sang 90 minutos, madumduman nga nagakalipat na si Biden sa mga inughambal sini kag masami nga wala na sang isugpon sa iya statement rason nga madamo nga nagapati nga maluya na ang estado ni Biden para patiniron pa sa White House sa masunod nga apat ka tuig.#
