Mas madamo pa ang mga lugar nga ginpaidalom sa Wind Signal No. 1 kadungan sang pagbaskog sang Bagyo Carina.
Sandig sa 11 p.m. nga weather bulletin sang PAGASA, nagahulag ang bagyo pa naaminhan-nakatundan sa kadasigon nga 15 kph sa Philippine Sea.
Ulihi nga nakit-an ang sentro sini sa 375 kilometros nasidlangan naaminhan-nasidlangan sang Tuguegarao City, Cagayan dala ang kabaskugon sang hangin nga 130 kph kag pagmadlos nga tubtub sa 160 kph.
Yari ang mga nabatak na sa Signal no. 1:
Batanes
Babuyan Islands
Ang northern kag eastern portions sang mainland Cagayan (Santa Ana, Gattaran, Baggao, Peñablanca, Lal-Lo, Gonzaga, Buguey, Santa Teresita, Aparri, Camalaniugan, Ballesteros, Allacapan, Abulug, Pamplona, Claveria, Sanchez-Mira, Santa Praxedes, Lasam, Alcala)
Ang eastern portion sang Isabela (Divilacan, Palanan, Maconacon, Dinapigue, Tumauini, Ilagan City, San Mariano, Cabagan, San Pablo, Santa Maria)
Ang northern portion sang Apayao (Calanasan, Luna, Pudtol, Flora, Santa Marcela)
Ang northern portion sang Ilocos Norte (Pagudpud, Bangui, Adams, Dumalneg, Burgos, Vintar)
Ang northern portion sang Aurora (Dilasag, Casiguran)
Polillo Islands
Calaguas Islands
Ang northern portion sang Catanduanes (Pandan, Bagamanoc, Panganiban, Viga, Gigmoto, Caramoran)
Ini nga mga lugar ang mahimo maka-eksperyensya sang 39 to 61 kph ukon intermittent rains sa sulod sang 36 oras.
Ginpahayag man sang state weather bureau nga ang Habagat nga ginpabaskog pa ni Carina ang mahimo magdala sang mabaskog nga pag-ulan sa nakatundan nga bahin sang Luzon halin subong nga gab-i tubtub sa Huwebes.
Gina-forecast man nga malab-ot sang bagyo ang peak intensity sini sa masunod nga duha ka adlaw. Ginalantaw nga magapabilin ini nga malayo sa Philippine landmass kag magaguwa sa Philippine Area of Responsibility kasunod sang landfall sa naaminhan nga bahin sang Taiwan sa tunga-tunga sang Miyerkules sang gab-i kag Huwebes sang aga.
