ILOILO CITY- Nagnubo ang na-record nga numero sang text scams sa Pilipinas matapos ginmando ni President Ferdinand Marcos Jr. ang pag-ban sang Philippine Offshore Gaming Operations (POGO) sa pungsod.
Suno kay Presidential Anti-Organized Crime Commission (PAOCC) spokesperson Winston Casio, tuman ka dako sang ginsarurot sang nabaton nga mga text scams.
Humalin sang gin-ban ang POGOs, ginpahayag sang Department of Information and Communications Technology (DICT) nga ang numero sang consumer complaints ang nagnubo man.
Nahibaluan nga linibo ka SIM cards ang narekober sa ginraid nga mga POGOs sang damlag lang kalakip na ang POGO sa Las Piñas.
Suno sa PAOCC, ang SIMs nga ginagamit sa text scams kag harassment pareho sang online ‘pautang’ ukon loans ang halin sa mga POGO hubs.
Ginpahayag ni PAOCC Undersecretary Gilbert Cruz nga nagabakal ang mga POGOs sang unregistered SIMs halin sa legal telecommunications (telcos) companies bangud wala gina-monitor ang registration.
Sa idalom sang Republic Act 11934 ukon ang SIM Card Registration Act, ang end user dapat magrehistro sang numero sang ila SIM card.
Apang suno sa PAOCC,ang probisyon sang layi wala nagagarantiya nga ang isa nga nagarehistro sang SIM ang matuod nga tawo.
Suno sa DICT, iga-audit sini ang SIM registration process sang telco agud ma- assess kun epektibo ini agud malikawan ang fake registrations.
