ILOILO – Nagpadayon pa ang imbestigasyon sang Bureau of Fire Protection sa sunog nga nagluntad sa Brgy. Tan Pael, Tigbauan, Iloilo.
Nagluntad ang sunog las 2:00 subong nga kaagahon sa diin nag-umpisa ini sa carinderia nga ginapanag-iyahan ni Francis Balinsoy.
Ginapatihan nga nag-umpisa ang sunog sa napabay-an nga naka-charge nga e-bike.
Sa subong, ginabanta anom ka mga establisyemento kag tatlo ka mga balay ang naulamid sa sunog.
Gindeklarar naman ang fire out pasado las 5:00 subong nga kaagahon.
