ILOILO CITY – Nakilala na ang lalaki nga ginbawian sang kabuhi matapos nalasakan sang pick-up truck sang Agosto 18 sa Brgy. San Rafael, Mandurriao, Iloilo City.
Ang biktima amo si Daniel Espaltero, 21, residente sang Barbaza, Antique.
Sa interview sang Bombo Radyo kay Patrolman Arman Angcoy, traffic investigator sang Traffic Investigation and Management Unit (TMEU), iya ginpahayag nga ang mga ginkinanan mismo sang biktima ang nagkumpirma sang iya identity.
Suno kay Angcoy, natumod ang biktima pinaagi sa marka sa iya tiil kag tuhod.
Sa subong, ginahulatpa ang desisyon sang pamilya sang biktima kun mapasaka sila sang kaso batok sa suspek.
Nakagwa naman ang suspek matapos nakapyansa.
Ginklaro sang natungdan nga wala sang kamatuoran ang alegasyon nga katapo sang isa ka rebelde nga grupo ang biktima.
